عدد المساهمات : 317 السٌّمعَة : 4 تاريخ التسجيل : 22/02/2011
موضوع: طريقة عمل التورته من الألف للياء الثلاثاء يونيو 07, 2011 1:04 am
بسم الله الرحمن الرحيم النهارده جايبلكم طريقة عمل تورته أكثر من رائعة وبالصور كمان لعيوووونكم
الكــيكة الإسفنجية
المقادير : -
10 بيضات
250جرام سكر بودر يعنى كوب وربع300جرم دقيق منخول لازم يكون منخول مرتين يعنى كوب ونصف
معلقه كبيره محسن كيك
خمس معالق ماء
الطريقة : -
نفصل البياض عن الصفار ولازم يكون البيض فى درجه حراره الغرفه
نقسم مقدار السكر على اتنين ونبدا بضرب الصفار على السرعه الاول ونضيف السكر ببطى والفانيليا
اول ما مقدار السكر يخلص نعلى السرعه
نضيف الماء
نضيف معلقه المحسن واحنا بنضرب الخليط وده شكل الصفار النهائى
نجى للبياض الى هو المرنج نضرب على السرعه الاولى ونضيف السكر ببطى والفانيليا
وده الشكل النهائى للمرنج
نضيف الدقيق على الصفار وحده وحده ونقلب ونضيف المرنج عليهم وده شكله النهائى
نجهز الصنيه وندهنها زبده ونبطنها بورق
الزبده مهم جدا ورق الزبده علاشان من شروط نجاح الكيكه الاسفنجيه ميوصلش للكيكه اى دهون علاشان مش تهبط ونصب الخليط فى الصنيه والصنيه دى مقاس 28
نكون مشغلين الفرن على درجه حراره 180 قبلها بنصف ساعه والصنيه بتقعد فى الفرن 40 دقيقه بالضبط متفتحيش الا بعد نص ساعه شوفيها بعود من بتوع الشيش لو خرج من غير اى حاجه تبقى استوت لو لسه فيها حاجه يبقى تسبيها شويه ولو استوت اقفلى الفرن وسبيها شويه خمس دقائق علشان مش تهبط واول ما تخرج تقلب على منخل سلك
هنزين التورتة
نقسم الكيكه الى تلات اقسام نجيب اول قسم ونحط عليه السيرب وبعدين الكريمه انا حطيط عليه شكليت موس وهو عباره عن شكولاته دارك سايحه فى حمام مائى وعليها معلقه جلاتين مزابه فى مايه دافيه وكريم شانتيه وكله على بعضه بتبقه طعمها تحفه
بعد كره جبت الشكولاته الخام وسيحتها فى حمام مائى وفرتها بالاسبتيولاه وسبتها تبرد وشكلتها قلوب وشكا بيضوى وكتبت عليه الاسم طبعا كتبت اسم جوزى علاشان انا عملت التورته دى بمناسبه ترقيته فى الشغل وكتبت الاسم بالشكولاته البيضه سيحتها فى حمام مائى وحططها فى كورنيه عملته من ورق الزبده وكتبت وده شكل التورته النهاتى وكمان جبت جلى تلميع ساخن ولمعت بيه التورته والجيلى ده مهم علاشان يحفظ الفاكهه ويديها لمعه