اهداء الى ثوار 25 يناير

[size=24]إ[size=24]هداء الى ثورة شباب 25 يناير والى كل من

اهداء الى ثوار 25 يناير D8abd988d8b1d8a9-d8b4d8b9d8a8

حمى البلاد فى ظروفنا الصعبة التى نمر بها ::

كان الكلام بالعين .. صبح الكلام بهتاف
والشعب جيل ورا جيل .. والتحمت الاكتاف
قالو شبابنا ضعيف .. يدوب كبيروه زعاق
وجدوا شباب بيضحى .. للموت وكان مشتاق
أصل القضية فى ناس من جيل وقبلينا
عاشوا كتير فى سكات وعيون تنادينا
ثلاثين سنة فى كلام للفعل ما عملنا
وشباب تنادى يا عم يا عم شغلنا
ثلاثين سنة إعلام بيقول فى لوك ولوك
قلنا ننادى لثورة من موقع الفيس بوك
عملتها رجاله اتفقوا ما اختلفوا
نادوا وعلو فى صوت ..اتجمعت ملايين
اللى هيهتف مش هيموت ..وهما مش خايفين .. عارفين طريقهم فين

ادى الشعب المصرى .. يابلادى ياعربية
ادى مظاهرة لثورة .. سلمية سلمية

(تسلم ايادى إتجمعت & تسلم عيون ما دمعت & تسلم نظام وغيرت & تسلم لمصر الحره دايما تقول : ولادى اتغيرت )

شوفت بعينى شعب بيصحى .. شوفت الناس اللى بتوضى
شوفت رصاص مطاط بيعدى .. شوفت قنابل غاز وبتعمى
شوفت شهيد مات لقضية .. شوفت إخوات وشباب وصبية
شوفت الام واقفه تنادى .. امن الدولة قتلوا ولادى
صوتها بيعلى فى الميدان .. قتلوا ولادى ياشبان
نام ياشهيد نام وارتاح .. واحنا نكمل ليك فى كفاح
ومصر تنادى ..يالا ياشعب لموا ولادى الكل فى قلب
اصرخ واجه .. عبر غير .. صمم طور ..اوقف سلب

(تسلم ايادى إتجمعت & تسلم عيون ما دمعت & تسلم نظام وغيرت & تسلم لمصر الحره دايما تقول : ولادى اتغيرت )

يالا نغيير النظام .. يالا نصحى ومش هنام
يالا مصر تكون ادام ..يالا بفعل مش بكلام
الأمن خان الارض وإحنا بنحميها .. ولصوص السجن هربوا من كل أراضيها .مين السبب ؟؟ احنا بثورتنا ولا اللى حاميها!!

واتجمعت لجان من شعبها السهران يحرس اراضيها
اما اللى ليها خان مش مننا دا جبان مالهوش مكان فيها

وادى يا مصر كمان جيشك ورجالتك
نادوا بعلوا الصوت اطمنى و انا جنبك

انا اللى نيلك روانى .. انا اللى علمك علاانى ..
انا اللى علمك نادانى .. قمت لبيت له نداه

(تسلم ايادى إتجمعت & تسلم عيون ما دمعت & تسلم نظام وغيرت & تسلم لمصر الحره دايما تقول : ولادى اتغيرت )

انسى يا مصر وعدى .... الأزمة هتعدى ...
حالف لشمسك تطلع .. حالف لنورك يستطع ..
واذا كان فدا دمى

(تسلم ايادى إتجمعت & تسلم عيون ما دمعت & تسلم نظام وغيرت & تسلم لمصر الحره دايما تقول : ولادى اتغيرت[..

مسيطر عليك وانت بتكتب جو الاغانى (تحديد سطر ثابت - فقرات- كلمات خفيفه- لا وجود للصور الشعريه).اتمنى قبول نقدى بصدر رحب
شرف النص لايعنى شرف القضيه -لابد ان تكون ثوره النص موازيه لثوره القضيه واذا كنت عبقريا تصبح ثوره النص اعلى من ثوره القضيه
اتمنى لك التوفيق ونصيحه اقرأ جيدا -الشعر يستحق التعب والاجتهاد
محبتى لك

االسلام عليكم ورحمة الله وبركاته
طبعا اشكرك من اسرة منتدى المنار

على مشاركتك نشاطك
واتمنى قبول كلامى
اعتقد انه فيه جزء نثرى اكثر من انه شعر
يمكن لو حضرتك رجعت تانى لكتابة النص
هيبقى فى بعض الجمل والكلمات اللى هتشعر فيها بانها نثريه
نصيحه
حاول تقرا شعر كتير
مع تمنياتى بكثير من الابداع

» أ ح ب ك (اهداء)
» اهداء بكل الحب لكل محب(ورده حمرا)
» اهداء الى جمعية وعد من أسرة منتدى المنار
» اهداء الى كل فتاه ستكون زوجه وأم بمشيئة الله
» بيان حركة ثورة 25 يناير