عيد ميلاد سعيد ياعم نجيب
روايات كتير زى السكر.....اضحك كتير وأقعد فكر
ياسيدى انت ومين قدك......وسيم وشامه على خدك
قلمك وقلمك من حارتك.....يسعدنى جدا أكون صاحبك
م السكرية لقصر الشوق.....تحت الهرم ف الهضبة وفوق
الجلسة
دى جلسة أحباب.....لا لص ويانا ولا كلاب
فلاح انا وبحب التوت......جريوا ورايا بالنبوت
يرضيك ياعمده روايتنا.....لولا همه دول اهل حارتنا
انا نفسى تحيا خلى البال.....انا مهما اكون فلاح زجال
والناس تملى تقول عايزه.....وإدينى حته م الجايزه
كلك شهامه ونبل وذوق......إدينى اوضه ف قصر الشوق
وملاية لف مع الطرابيش....او حتى واحده من الحرافيش
خطوة بسيطه وقريبه........رادوبيس بتحكى كفاح طيبه
والصحبه ف يوم الجمعه......من بيت كبير حسن السمعه
وجيت المدينة أتعلم..........جيت أشتكيلك يامعلم
يجروا ورايا لحد الدار.......ماحوشت عنهم نينه ميرامار
وتعيش سعيد دايما محفوظ.....وانت ياسيدى نجيب محفوظ:
موضوع: عيد ميلاد سعيد ياعم نجيب 
الجمعة مارس 25, 2011 11:24 am
